5 ივნისს, გარემოს დაცვის საერთაშორისო დღეს, ბოლნისის სულხან-საბა ორბელიანის სახ. N1 საჯარო სკოლის ეკოკომიტეტმა - ,,ეკოგმირები”გამართა საინფორმაციო შეხვედრა მოსახლეობასთან. ქუჩებსა და სკვერებში დაარიგა საინფორმაციო ბუკლეტები. გააკრა სარეკომენდაციო გამაფრთხილებელი ნიშნები დანაგვიანების აკრძალვით. ბოლოს დაგვირგვინდა კონფერენციით, რომელზეც შეაჯამეს ეკოკომიტეტის ერთწლიანი მუშაობა. მოსწავლეებმა წარმოადგინეს მრავალფეროვანი პრეზენტაციები ლოკალურ გარემოში აბიოტური ფაქტორების დაბინძურების მიზეზებზე და მათი აღმოფხვრის გზებზე. ასევე, მოეწყო მე 6, მე-7 კლასის მოსწავლეების მიერ ნარჩენებისგან დამზადებული სხვადასხვა ნივთების გამოფენა- ,, ვაჩუქოთ ნივთებს მეორე სიცოცხლე!!!" პროექტში აქტიურად იყვნენ ჩართული ჩვენი სკოლის ხელოვნების პედაგოგი მარიამ ჩოქური და მე-6-გ კლასის ბუნებისმეტყველების პედაგოგი ნესტან ბუცხრიკიძე, რომელიც ასევე არის ეკოკომიტეტის აქტიური წევრი. მათ გააცნეს დამსწრე საზოგადოებას პროექტის მიზნები და ამოცანები, ისაუბრეს სამომავლო გეგმებზე. შეხვედრაზე სიტყვით გამოვიდა სკოლის დირექტორი და ეკოკომიტეტის წევრი ქალბატონი ირმა წაქაძე, რომელმაც მოიწონა მოსწავლეების მიერ განხორციელებული აქტივობები და მიმართა მათ გაუფრთხილდნენ და იზრუნონ გარემოზე. აღნიშნა, რამდენად მნიშვნელოვანია თითოეული ადამიანის როლი დედამიწაზე კლიმატის ცვლილების ერთ-ერთი მიზეზის - სათბურის აირების გამოყოფის შეჩერებასა და ნარჩენების შემცირების პროცესში. ისაუბრა სკოლის ეზოს გამწვანებაში ეკოკომიტეტის აქტიურად ჩართვის აუცილებლობაზე. კონფერენცია შეაჯამა და დასკვნითი სიტყვით გამოვიდა ეკოკომიტეტის წევრი, ბიოლოგიის პედაგოგი ლელა გელაძე, რომელმაც დადებითად შეაფასა ეკოკომიტეტის მუშაობა. აღნიშნა, რომ გეგმით გათვალისწინებული ყველა აქტივობა შესრულებულია.

https://www.facebook.com/photo?fbid=591985099590566&set=pcb.591985249590551