უდიდესი წარმატება!

სიახლეები

,,დამერწმუნეთ, თქვენ ყოველთვის იქნებით ტრადიციულად პირველები!" - „დიდგორელის“ 2023 წლის გამარჯვებული - დიმიტრი თეიმურაზიანი.

„დიდგორელის“ 2023 წლის გამარჯვებული - დიმიტრი თეიმურაზიანი, სულხან-საბა ორბელიანის სახელობის ქალაქ ბოლნისის N1 საჯარო სკოლის კურსდამთავრებულის მიმართვა პირველკლასელებისადმი:

,,მოგესალმებით ყველას! პირველ რიგში, ყველა მოსწავლეს ვულოცავ ახალი სასწავლო წლის დაწყებას! განსაკუთრებით მინდა, დიდი სიყვარულით მოვულოცო ჩვენს პირველკლასელებს, რომელთა ცხოვრებაში ძალიან მნიშვნელოვანი, მრავალფეროვანი და მრავალი თავგადასავლით სავსე ეტაპი იწყება. მინდა გითხრათ, რომ თქვენ გააკეთეთ უდავოდ სწორი არჩევანი, რადგან ეს სკოლა იყო და იქნება მუდამ პირველი! ამის მაგალითი ვართ ჩვენ, ადამიანები, რომლებმაც დავამთავრეთ ეს სკოლა. ამ სკოლამ არაერთი წარმატებული თაობა აღზარდა და ის აგრძელებს ამ ტრადიციას. ამ სკოლას ჰყავს საუკეთესო პედაგოგები! პედაგოგები, რომლებიც გილამაზებენ თითოეულ დღეს. ისინი, არა მხოლოდ, სრულყოფილ ზოგად განათლებას გაძლევენ, არამედ გიყალიბებენ იმ პრაქტიკულ უნარ-ჩვევებსა და ჰუმანურ თვისებებს, რომლებიც საბოლოოდ პიროვნებად გაყალიბებთ. მინდა ყველას გისურვოთ წარმატებული და ნაყოფიერი წელი. იყავით შრომისმოყვარენი, არ დანებდეთ, გამოიყენეთ ყველა ის შესაძლებლობა, რომელსაც ჩვენი სკოლა გაძლევთ და დამერწმუნეთ, თქვენ ყოველთვის იქნებით ტრადიციულად პირველები! არ შემიძლია, გზა არ დავულოცო მეთორმეტეკლასელებს, რომლებიც ამ წელს ამთავრებენ ამ სკოლას. მინდა, მათ გზა დავულოცო და ვუსურვო წარმატებული და პროდუქტიული წელი! მე დარწმუნებული ვარ, რომ ისინი საუკეთესო შედეგებს დადებენ ეროვნულ გამოცდებზე! კიდევ ერთხელ გილოცავთ ყველას!"

იხ: Facebook; Facebook

19/09/2023